نیویارک (سچ نیوز)اقوام متحدہ کے ماہرین کا ایک پینل روس اور چین کے اعتراضات کے باعث شمالی کوریا پر پابندیوں سے متعلق رپورٹ کی اشاعت التو ا کا شکار ہو گئی،پابندیوں سے متعلق سلامتی کونسل کی کمیٹی شمالی کوریا کی جوہری اور میزائل پیش رفت کے حوالے سے عائد پابندیوں پر عمل درآمد کی نگرانی کرتی ہے۔اس حوالے سے کمیٹی کے پینل نے اپنی ششماہی رپورٹ اشاعت کی اجازت کے لیے 31اگست کو سلامتی کونسل میں جمع کروائی تھی تاہم سلامتی کونسل کے دو مستقل ارکان کی جانب سے اعتراضات کے باعث اس کی اشاعت ایک ہفتے کے لیے مؤخر کر دی گئی ہے۔
غیرملکی میڈیا کے مطابق یہ رپورٹ سلامتی کونسل کے مستقل اراکین اورجاپان سمیت 3 دیگر ممالک کے ماہرین نے مرتب کی ہے ۔اقوام متحدہ میں روس کے سفیر واسیلے نابینزیا نے کہا ہے کہ اس رپورٹ میں روسی نقطہ نظر شامل نہیں کیا گیا ہے۔قبل ازیں روس اور چین نے امریکا کی اس تجویز کی مخالفت کی جس میں سمندروں میں شمالی کوریا کی طرف سے پٹرولیم مصنوعات کی منتقلی میں ملوث مشتبہ بحری جہازوں اور ٹینکروں کی اقوام متحدہ کے رکن ممالک کی بندر گاہوں میں داخلے پر پابندی عائد کرنے کو کہا گیا تھا۔دونوں ممالک نے ان معاملات میں اطلاعات کی کمی کا ذکر کیا ہے۔
