دبئی سٹی (سچ نیوز )دبئی کی مقامی عدالت نے مراکشی نژاد گلوکارہ کو نئے سال کے موقع پر پرفارمنس کے دوران نامناسب انداز اپنانے کے جرم میں جیل قید اور ملک بدر کرنے کی سزا سنادی ہے ۔تفصیلات کے مطابق خوبرو گلوکارہ مریم حسین پر الزام تھا کہ انہوں نے سال نو کے موقع پر ہونے والے ایک پرفارمنس کے دوران ساتھی ریپر کے ساتھ نامناسب انداز اپنایا۔تاہم مریم حسین نے الزامات کو مسترد کیا تھا اور اسے نادانستہ طور پر ہونے والی غلطی قرار دیا تھا، تاہم ان کی پرفارمنس کی ویڈیوز وائرل ہوگئی تھیں۔تقریب کی ویڈیوز کے حقوق یو اے ای کے میڈیا پرسن صالح الجسمی کے پاس تھے، جنہوں نے ویڈیوز کی کلپس وائرل ہونے کے بعد مراکشی نژاد گلوکارہ پر ویڈیوز کو تقسیم کرنے کے تحت بھی مقدمہ دائر کیا تھا اور ساتھ ہی ان پر تقریب کے دوران نامناسب انداز اختیار کرنے کا الزام لگایا تھا۔تاہم لمبی قانونی جنگ کے بعد اب دبئی کی مقامی عدالت نے دونوں کی قانونی جنگ کو ختم کرتے ہوئے مراکشی نژاد گلوکارہ کو نامناسب پرفارمنس کرنے کا مجرم قرار دیتے ہوئے انہیں تین ماہ قید اور سزا مکمل ہونے کے بعد یو اے ای سے بدر کرنے کا حکم دیا۔
