انقرہ (سچ نیوز)ترک صدر رجب طیب ایردوآن نے کہا ہے کہ وہ سعودی صحافی جمال خاشقجی کی موت کے واقعے کی تحقیقات کی تفصیل کا23 اکتوبر کل بروز ( منگل ) کریں گے۔تفصیلات کے مطابق اپنے ایک بیان میں رجب طیب اردوان کا کہناتھا کہ وہ حکمران جماعت آق کی پارلیمانی پارٹی کے اجلاس میں خاشقجی کیس سے متعلق بیان جاری کریں گے۔سعودی عرب نے گذشتہ جمعہ کو ابتدائی تحقیقات کے بعد جمال خاشقجی کی موت کا اعلان کیا تھا اور کہا تھا کہ استنبول میں واقع سعودی قونصل خانے میں دو ہفتے قبل جھگڑے کے دوران میں ان کی موت ہوگئی تھی۔اس واقعے میں ملوث ہونے کے الزام میں18سعودی شہریوں کو حراست میں لے لیا گیا ہے، ان پر جمال خاشقجی کی موت اور اس کو چھپانے کا الزام ہے۔سعودی عرب کے ایک سرکاری ذریعے کا کہنا ہے کہ خاشقجی قتل کیس کے سلسلے میں سچائی کو منظرعام پر لانے کے لیے تمام ضروری اقدامات کیے جارہے ہیں۔دریں اثنا سعودی وزیر خارجہ عادل الجبیر نے کہا ہے کہ جمال خاشقجی کے قتل کیس کے ذمے داروں کا احتساب کیا جائے گا۔انھوں نے فاکس نیوز سے گفتگو کرتے ہوئے کہا ہے کہ جمال خاشقجی کے سعودی قونصل خانے سے باہر آنے سے متعلق متضاد رپورٹس منظرعام پرآنے کے بعد ہی تحقیقات شروع کردی گئی تھی ۔ سعودی عرب ان کی موت سے متعلق دستیاب ہونے والی تمام معلومات کو منظرعام پر لائے گا۔