اسلام آباد(سچ نیوز)وزیر اعظم عمران خان کی حکومت نے ایک اور بڑی کامیبای حاصل کر لی ،ہمسایہ ملک روس سے گیس خریداری کیلئے 10 ارب ڈالرکامعاہدہ کرنےکا فیصلہ کر لیا گیا ۔
میڈیا رپورٹس کے مطابق حکومت نے گیس خریداری کیلئے روس سے 10 ارب ڈالرکامعاہدہ کرنےکا فیصلہ کر لیا ہے ،روس اورپاکستان کے درمیان گیس فراہمی کے ایم او یوپردستخط کل ہونگے،پاک روس10ارب ڈالرکے منصوبے کے ایم اویوپردستخط کی تقریب ماسکومیں ہوگی،اس حوالے سے پٹرولیم ڈویڑن کاوفدکل روس روانہ ہوگا۔
ایم او یو کےب عدروسی کمپنی گیزپرام اورپاکستان کمپنی انٹراسٹیٹ گیس سسٹمزکے مابین معاہدہ ہوگا،روسی کمپنی بلٹ،اون، آپریٹ اینڈ ٹرانسفر کی بنیاد پر منصوبہ مکمل کرے گی،پاکستان روس سے یومیہ50کروڑ سے 1ارب مکعب فٹ تک گیس خریدے گا،پاک روس معاہدے کے بعدمنصوبے کی فزیبلٹی پر کام شروع ہو جائے گا،سمندر کے راستے گیس فراہمی کا منصوبہ 3سے 4سال میں مکمل ہوگا۔