بھارت، تمام عمر کی خواتین کو ریاست کیرالہ کے مندر میں داخلے کی اجازت

نئی دہلی (سچ نیوز)بھارت میں تمام عمر کی خواتین کو ریاست کیرالہ کے مندر میں داخلے کی اجازت مل گئی۔بھارتی ٹی وی کے مطابق بھارت میں کئی ایسے مندر ہیں جن میں صدیوں سے کوئی عورت داخل نہیں ہوئی ہے، ان مندروں میں کیرالہ کا مشہور مندر صاباری مالابھی شامل تھا۔سپریم کورٹ نے خواتین کے اس مندر میں داخلے پر برسوں سے عائد پابندی ختم کردی۔بھارتی چیف جسٹس دیپک مشرا کی قیادت میں 5رکنی آئینی بینچ نے اس معاملے پر سماعت کی اور یکم اگست کو محفوظ کئے گئے عدالتی فیصلے کو سنایا،جس میں عدالت نے مندر میں خواتین کے داخلے پر صدیوں سے عائد پابندی کو ختم کردیا۔رپورٹ کے مطابق چیف جسٹس نے فیصلہ سناتے ہوئے کہا کہ عبادت کرنے کا حق تمام عقیدت مندوں کو دیا جاتا ہے اور صنف کی بنیاد پر اس میں کوئی تفریق نہیں کی جاسکتی۔ممبئی میں واقع ایک مسلمان صوفی حاجی علی درگاہ کے مزار میں 2011 سے خواتین کے داخلے پر پابندی عائد کی جا چکی ہے۔ مزار کے نگرانوں نے مزار کے قریب خواتین کے جانے کو گناہ قرار دے دیا ہے۔