لندن (سچ نیوز)برطانوی دارالحکومت کے شمال میں ڈیوٹی پر موجود پولیس اہلکاروں پر چاقو سے حملہ کرکے شدید زخمی کردیا، چاقو زنی کی واردات میں زخمی ہونے والے چاروں اہلکار کو ہسپتال منتقل کردیا گیا ہے، اقدام قتل اور ہنگامہ آرائی میں ملوث ہونے کے شبے میں دو 19 سالہ نوجوانوں کو حراست میں لے لیا گیا۔تفصیلات کے مطابق برطانیہ کے دارالحکومت لندن کے شمالی علاقے آئیلنگٹن میں نامعلوم چاقو بردار شخص نے پولیس اہلکاروں پر حملہ کردیا جس کے نتیجے میں ڈیوٹی پر موجود4 اہلکار زخمی ہوگئے۔برطانوی خبر رساں ادارے کا کہنا تھا کہ سیکیورٹی اداروں نے ملزمان کے خلاف فوری کارروائی کرتے ہوئے کہ اقدام قتل اور ہنگامہ آرائی میں ملوث ہونے کے شبے میں دو 19 سالہ نوجوانوں کو حراست میں لیا ہے۔مقامی میڈیا کا کہنا ہے کہ پولیس اہلکاروں کو شمالی لندن میں ہنگامہ آرائی کی شکایات موصول ہوئی تھی، تاہم پولیس اہلکار جائے وقوعہ پر پہنچے تو مشتعل شخص نے خنجر سے پولیس پارٹی پر ہی حملہ کردیا۔خبر رساں ادارے کا کہنا تھا کہ چاقو زنی کی واردات میں دو مرد اہلکاروں پر خنجر سے وار کیے گئے جبکہ ایک خاتون کے سر پر چوٹ لگی اور ایک خاتون کے ہاتھ کی ہڈی ٹوٹ گئی۔پولیس کا کہنا ہے کہ زخمی اہلکاروں کو فوری طور پر طبی امداد کے لئے مقامی ہسپتال منتقل کردیا گیا تھا جہاں 3اہلکاروں کو طبی امداد کے بعد روانہ کرگیا تھا جبکہ ایک اہلکار کو شدید زخمی ہونے کے باعث ہسپتال میں داخل کرلیا تھا۔
