منامہ(سچ نیوز) بحرین کو سعودی عرب سے جوڑنے والا نیا پل تعمیر کیا جائے گا، نیا پل شاہ حمد کے نام سے منسوب ہوگا، اس میں گاڑیوں کے لئے2 ٹریکس کے علاوہ ٹرین بھی چلائی جائے گی۔عرب ٹی وی کے مطابق نئے منصوبے پر کام 2 سال بعد ہوگا، شاہ حمدپل بحرین اور سعودی عرب کے درمیان سٹراٹیجک تعلقات میں مزید استحکام پیدا کرنے کا سبب ہوگا۔ ذرائع کا کہنا تھا کہ پل کی تعمیر کی تیاریاں مکمل کی جارہی ہیں جبکہ لاگت کا تخمینہ لگایا جارہا ہے۔نیا پل جن علاقوں سے گزرے گاوہاں کی زمینوں کے مالکوں کو معاوضہ دینے کے لئے بھی تخمینہ لگایا جارہاہے۔ منصوبے میں نجی شعبے کی بھی شراکت داری ہوگی۔
