لندن (سچ نیوز) بھارت کے ارب پتی بزنس مین وجے مالیا کو برطانوی عدالت نے بھارت کے حوالے کرنے کا فیصلہ سنادیا ہے۔ واضح رہے کہ بھارت میں وجے مالیا کے ذمے ایک ارب ڈالر سے زائد کے قرضے واجب الادا ہیں ۔برطانیہ کی ویسٹ منسٹر عدالت کے جج نے بھارتی ارب پتی بزنس مین وجے مالیا کو بھارت کے حوالے کرنے کا فیصلہ سنایا ہے۔ عدالت کا یہ فیصلہ برطانوی وزارت داخلہ کو بھیجا جائے گا جس کے بعد انہیں بھارت کے حوالے کرنے کے انتظامات کیے جائیں گے۔وجے مالیا کے ذمے ایک ارب ڈالر سے زائد کے قرضے واجب الادا ہیں اور وہ 2016 میں قرضوں کی ادائیگی کیے بغیر ہی برطانیہ چلے گئے تھے ۔ بھارتی حکومت نے متعدد بار وجے مالیا کی حوالگی کا مطالبہ کیا لیکن اسے اس عدالتی فیصلے سے پہلے کامیابی نہیں مل سکی تھی۔وجے مالیا نے اپنا کاروبار انڈین کرکٹ اور فارمولہ ون کار ریس میں لگانے سے پہلے اپنی بزنس امپائر کنگ فشر بئیر کے ذریعے بنائی تھی۔ انھوں نے کنگ فشر کے نام کی ایک ایئر لائین کمپنی بھی شروع کی تھا جو کہ اب غیر فعال ہو چکی ہے۔کنگ فشر بئیر کے مالک وجے مالیا نے ایک ارب ڈالرز سے زائد کے قرضے اور تنخواہیں ادا کرنا ہیں۔انہیں کنگ فشر ایئر لائین میں مالیاتی بد عنوانی کے کئی ایک الزامات کا سامنا ہے۔ ان کے مالیاتی معاملات کی تفتیش سی بی آئی اورانفورسمنٹ ڈائریکٹوریٹ کر رہے ہیں۔وجے مالیا اپنے پر تعیش طرزِ زندگی کی وجہ سے انڈیا میں "کنگ آف گ±ڈ ٹائمز” کے طور پر بھی جانے جاتے ہیں۔
