جکارتہ(سچ نیوز) اسلامی قوانین کے تحت جزیرے سماٹرا کے ضلع بیرون میں اب عورتیں اور مرد کسی ریستوران یا کافی شاپ میں مشترکہ ٹیبل حاصل نہیں کر سکیں گے۔
میڈیارپورٹس کے مطابق انڈونیشیا کے ایک اسلامی صوبے ایچے کے ایک ضلع کے حکام نے ہوٹل میں عورتوں اور مردوں کے ایک ساتھ کھانے پر پابندی لگا دی ہے تا وقت کہ وہ میاں بیوی ہوں یا ان کی قریبی رشتے داری ہو۔جاری ہونے والے ایک سرکاری بیان میں کہا گیا کہ اس کا مقصد عورتوں سے زیادہ اچھا برتاؤ کرنا ہے۔ایچے دنیا کا وہ واحد گنجان آباد مسلم اکثریتی علاقہ ہے جہاں سخت اسلامی قوانین نافذ ہیں اور خواتین پر لگائی جانے والی پابندیوں کے خلاف آوازیں اٹھائی جاتی رہی ہیں۔انڈونیشی صوبے ایچے میں، جوئے، شراب نوشی اور اخلاقی جرائم پر کوڑوں کی سزائیں دی جاتی ہیں۔حکم نامے میں کام کی جگہوں پر دوپہر کے کھانے کی چھٹی میں عورت اور مرد کارکنوں پر یہ پابندی لگا دی گئی ہے کہ وہ نہ تو مل بیٹھ کر لنچ کر سکتے ہیں اور نہ ہی کھانا آپس میں بانٹ سکتے ہیں۔
