کابل (سچ نیوز )افغانستان میں خاتون نے گلوکاری کاایوارڈ جیت کر ملکی تاریخ میں نیا ریکارڈ قائم کردیا ،زہرہ الہام نامی خاتون نے افغان امریکین آئیڈل نامی مشہور پروگرام میں اپنی آواز کا جادو جگا کر پہلی پوزیشن حاصل کی ۔میڈ یا رپورٹس کے مطابق ہزارہ برادری سے تعلق رکھنے والی خاتون گلوکارہ نے ’افغان امریکن آئیڈل‘میں مرد حریف کو ہراکرپہلی پوزیشن حاصل کی۔گلوکاری کے اس مقابلے کے 14 سیزنز میں سینکڑوں مرد و خواتین نے حصہ لیاتاہم اس سے قبل کبھی کسی لڑکی نے یہ اعزاز حاصل نہیں کیا۔زہرہ الہام کا کہنا تھا کہ وہ بہت خوش ہیں اور اپنے احساسات کو بیان کرنے کے لئے ان کے پاس الفاظ نہیں ہیں۔انہوں نے کہا کہ آج میں تمام افغان لڑکیوں کی نمائندگی کررہی ہوں،یہ صرف الہام کی نہیں بلکہ افغانستان کی ہر لڑکی کی جیت ہے۔